19

റാ​ന്നി: പ​ത്ത​നം​തി​ട്ട ജി​ല്ല​യി​ലെ തേ​ക്ക​ടി എ​ന്ന​റി​യ​പ്പെ​ടു​ന്ന നാ​റാ​ണം​മൂ​ഴി പ​ഞ്ചാ​യ​ത്തി​ലെ പ്ര​കൃ​തിമ​നോ​ഹ​ര​മാ​യ പ്ര​ദേ​ശ​ങ്ങ​ൾ​ക്കാ​യി ടൂ​റി​സം പ​ദ്ധ​തി​ക​ൾ ഉ​ണ്ടാ​ക​ണ​മെ​ന്ന് ആവ​ശ്യം. പ​രി​സ്ഥി​തി​ ദി​ന​ത്തി​ൽ പ​ഴ​കു​ളം മ​ധു എം​എ​ൽ​എ​യെ പ​ങ്കെ​ടു​പ്പി​ച്ച് ​പ​ഞ്ചാ​യ​ത്ത് പ്ര​സി​ഡ​ന്‍റ് സു​നി​ൽകു​മാ​റി​ന്‍റെ നേ​തൃ​ത്വ​ത്തി​ൽ ന​ട​ത്തി​യ പ്ര​കൃ​തി​യാ​ത്ര പു​തി​യ വ​ഴി​ത്തി​രി​വാ​യി​.

തേ​ക്ക​ടി​യോ​ട് സാ​ദൃ​ശ്യം തോ​ന്നു​ന്ന ക​ക്കു​ടു​മ​ണ്ണി​ന്‍റെ കാ​ന​നഭം​ഗി​യി​ൽ ഇ​ട​വ​പ്പാ​തികൂ​ടി വി​സ്മ​യം തീ​ർ​ത്ത​തോ​ടെ സ​മാ​ന​ത​ക​ളി​ല്ലാ​ത്ത കാ​ഴ്ച​ക​ളാ​ണ് സ​ഞ്ചാ​രി​ക​ൾ​ക്കു സ​മ്മാ​നി​ക്കു​ന്ന​ത്. പ്ര​കൃ​തിസൗ​ന്ദ​ര്യം നു​ക​രാ​ൻ ദൂ​രസ്ഥ​ല​ങ്ങ​ളി​ലേ​ക്ക യാ​ത്രപോകു​ന്ന പ​ത്ത​നം​തി​ട്ട​യി​ലെ വിനോദസഞ്ചാരി​ക​ളു​ടെ ക​ണ്ണുത​ട്ടാ​തെ ഇ​ത്ര​യും കാ​ലം പ്ര​കൃ​തി ഒ​ളി​പ്പി​ച്ചുവ​ച്ച കു​ക്കു​ട​മ​ണ്ണി​ന്‍റെ ദൃ​ശ്യഭം​ഗി ലോ​ക​ത്തി​നു മു​ന്നി​ൽ തു​റ​ന്നു കാ​ട്ടാ​ൻ ത​ന്നെ​യാ​ണ് പ​ഞ്ചാ​യ​ത്ത് അ​ധി​കൃ​ത​രു​ടെ​ തീ​രു​മാ​നം .

കെ​എ​സ്ആ​ർ​ടി​സി ബ​ജ​റ്റ് ടൂ​റി​സ​ത്തി​ൽ ഉ​ൾ​പ്പെ​ടു​ത്ത​ണം

ക​ക്കു​ടു​മ​ൺ തേ​ക്ക​ടി റോ​ഡ്, പെ​രു​ന്തേ​ന​രു​വി, പ​ന്നം​കു​ട​ന്ത​യ​രു​വി, ക​ട്ടി​ക്ക​ൽ അ​രു​വി തു​ട​ങ്ങിയ വി​നോ​ദസ​ഞ്ചാ​ര കേ​ന്ദ്ര​ങ്ങ​ൾ ഉ​ൾ​പ്പെ​ടു​ന്ന നാ​റാ​ണം​മൂ​ഴി പ​ഞ്ചാ​യ​ത്തി​ലെ പ്ര​ദേ​ശ​ങ്ങ​ൾ കെഎ​സ്ആ​ർ​ടി​സി ബ​ജ​റ്റ് ടൂ​റി​സം പ​ദ്ധ​തി​യു​ടെ ഭാ​ഗ​മാ​യു​ള്ള ഗ​വി ട്രി​പ്പി​ൽ ഉ​ൾ​പ്പെ​ടു​ത്താ​നു​ള്ള ആലോ​ച​ന​ക​ൾ ന​ട​ക്കു​ന്നു​ണ്ടെ​ന്ന് പ​ഞ്ചാ​യ​ത്ത് പ്ര​സി​ഡ​ന്‍റ് സു​നി​ൽ കു​മാ​ർ പ​റ​ഞ്ഞു. ഇ​തു​മാ​യി ബ​ന്ധ​പ്പെ​ട്ട് എം​എ​ൽ​എ​യു​ടെ ഭാ​ഗ​ത്തുനി​ന്ന് ആ​വ​ശ്യ​മാ​യ ന​ട​പ​ടി​ക​ൾ ഉ​റ​പ്പു ന​ൽ​കി​യി​ട്ടു​ണ്ടെ​ന്നും പ്ര​സി​ഡ​ന്‍റ് അ​റി​യി​ച്ചു.

ക​രി​കു​ളം ഫോ​റ​സ്റ്റ് സ്റ്റേ​ഷ​ന്‍റെ പ​രി​ധി​യി​ൽ​പ്പെ​ടു​ന്ന ക​ക്കു​ടു​മ​ൺ ക​രി​കു​ളം മേ​ഖ​ല​യി​ൽ നി​ര​വ​ധി വി​നോ​ദ സ​ഞ്ചാ​രി​ക​ൾ എ​ത്താറു​ണ്ടെ​ന്ന് പ​ഞ്ചാ​യ​ത്തം​ഗം മാ​ത്തു​ക്കു​ട്ടി ജോ​ർ​ജ് പ​റ​ഞ്ഞു.

കു​ടും​ബ​വു​മൊ​ത്ത് ക​രി​കു​ളം ക​ക്കു​ടു​മ​ൺ റോ​ഡി​ലൂ​ടെ വ​ന​ഭം​ഗി ആ​സ്വ​ദി​ച്ച് ഒ​രു മ​ഴ​ക്കാ​ല ഡ്രൈ​വിം​ഗ് സ​ഞ്ചാ​രി​ക​ൾ​ക്ക് വേ​റി​ട്ട അ​നു​ഭ​വം ന​ൽ​കും. മ​ഴ​ക്കാ​ല​ത്ത് കൂ​ടു​ത​ൽ മ​നോ​ഹ​ര​മാ​കു​ന്ന നി​ര​വ​ധി അ​രു​വി​ക​ളും വെ​ള്ള​ച്ചാ​ട്ട​ങ്ങ​ളു​മ​ട​ക്ക​മു​ള്ള കാ​ഴ്ച​ക​ളാ​ണ് സ​ഞ്ചാ​രി​ക​ൾ​ക്കാ​യി പ്ര​കൃ​തി ഒ​രു​ക്കി​യി​ട്ടു​ള്ള​ത്.

ജൂ​ൺ, ജൂ​ലൈ മാ​സ​ങ്ങ​ളി​ലാ​ണ് ക​ക്കു​ടു​മ​ൺ കൂ​ടു​ത​ൽ മ​നോ​ഹ​ര​മാ​കു​ന്ന​ത്. ക​ക്കു​ടു​മ​ൺ വെ​ള്ള​ച്ചാ​ട്ടം, അ​പ​ക​ട ഭീ​തി​യോ ആ​ശ​ങ്ക​യോ ഇ​ല്ലാ​തെ കു​ട്ടി​ക​ൾക്ക് ഇ​റ​ങ്ങ​ൻ ക​ഴി​യു​ന്ന ഇ​ട​മാ​ണെ​ന്നത് മറ്റൊരു പ്ര​ത്യേ​ക​തയാണ്.

കോ​ഴി​ക്കോ​ട്: ക​ന​ത്ത മ​ഴ തു​ട​രു​ന്ന സാ​ഹ​ച​ര്യ​ത്തി​ൽ കോ​ഴി​ക്കോ​ട് ജി​ല്ല​യി​ലെ മു​ഴു​വ​ൻ ടൂ​റി​സം കേ​ന്ദ്ര​ങ്ങ​ളി​ലും സ​ഞ്ചാ​രി​ക​ൾ​ക്ക് വി​ല​ക്ക് ഏ​ർ​പ്പെ​ടു​ത്തി. ശ​നി​യാ​ഴ്ച​യും ഞാ​യ​റാ​ഴ്ച​യും ജി​ല്ല​യി​ൽ റെ​ഡ് അ​ല​ർ​ട്ട് പ്ര​ഖ്യാ​പി​ച്ചി​ട്ടു​ണ്ട്.

കീ​ഴി​ലു​ള്ള വെ​ള്ള​ച്ചാ​ട്ട​ങ്ങ​ൾ, ബീ​ച്ചു​ക​ൾ ഉ​ൾ​പ്പെ​ടെ എ​ല്ലാ കേ​ന്ദ്ര​ങ്ങ​ളും അ​ട​ച്ചി​ടും. റെ​ഡ് അ​ല​ർ​ട്ട് നി​ല​നി​ൽ​ക്കു​ന്ന ദി​വ​സ​ങ്ങ​ളി​ൽ സ​ഞ്ചാ​രി​ക​ൾ​ക്ക് പ്ര​വേ​ശ​ന​മു​ണ്ടാ​കി​ല്ല. സ​ഞ്ചാ​രി​ക​ളു​ടെ സു​ര​ക്ഷ മു​ൻ​നി​ർ​ത്തി​യാ​ണ് നി​യ​ന്ത്ര​ണം ഏ​ർ​പ്പെ​ടു​ത്തി​യി​രി​ക്കു​ന്ന​ത്. വി​ല​ങ്ങാ​ട് മേ​ഖ​ല​യി​ല്‍ നി​ന്ന് ജ​ന​ങ്ങ​ളെ ഉ​ട​ന്‍ മാ​റ്റി​ത്താ​മ​സി​പ്പി​ക്കാ​ന്‍ ജി​ല്ലാ ക​ള​ക്ട​ർ ഉ​ത്ത​ര​വി​ട്ടു.

ശ​നി​യാ​ഴ്ച വ​ട​ക്ക​ൻ കേ​ര​ള​ത്തി​ലെ നാ​ല് ജി​ല്ല​ക​ളി​ലെ വി​ദ്യാ​ഭ്യാ​സ സ്ഥാ​പ​ന​ങ്ങ​ൾ​ക്ക് അ​വ​ധി പ്ര​ഖ്യാ​പി​ച്ചി​ട്ടു​ണ്ട്. ക​ണ്ണൂ​ർ, കോ​ഴി​ക്കോ​ട്, കാ​സ​ർ​ഗോ​ഡ്, വ​യ​നാ​ട് ജി​ല്ല​ക​ളി​ലാ​ണ് അ​വ​ധി. റെ​ഡ് അ​ല​ർ​ട്ട് പ്ര​ഖ്യാ​പി​ച്ച സാ​ഹ​ച​ര്യ​ത്തി​ലാ​ണ് ന​ട​പ​ടി.

തി​രു​വ​ന​ന്ത​പു​രം: ഇ​ന്ത്യ​യി​ലെ ആ​ഭ്യ​ന്ത​ര വി​നോ​ദ​സ​ഞ്ചാ​രി​ക​ൾ യാ​ത്ര​യ്ക്കാ​യി മു​ൻ​ഗ​ണ​ന ന​ല്കു​ന്ന പ​ട്ട​ണ​ങ്ങ​ളി​ൽ തി​രു​വ​ന​ന്ത​പു​ര​വും. എ​യ​ർ ബി​എ​ൻ​ബി പു​റ​ത്തു​വി​ട്ട റി​പ്പോ​ർ​ട്ടി​ലാ​ണ് ഇ​ക്കാ​ര്യം വ്യ​ക്ത​മാ​ക്കു​ന്നു. തി​രു​വ​ന​ന്ത​പു​ര​ത്തെ​ക്കു​റി​ച്ച് അ​ന്വേ​ഷി​ക്കു​ന്ന യാ​ത്ര​ക്കാ​രു​ടെ എ​ണ്ണ​ത്തി​ൽ 90 ശ​ത​മാ​ന​മാ​ണ് വ​ർ​ധ​ന​വ് കാ​ണി​ക്കു​ന്ന​ത്.

ആ​ഭ്യ​ന്ത​ര വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളാ​യ തി​രു​വ​ന​ന്ത​പു​രം കൂ​ടാ​തെ പു​രി, ജ​യ്പൂ​ർ എ​ന്നി​വി​ട​ങ്ങ​ളും സ​ഞ്ചാ​രി​ക​ളു​ടെ അ​ന്വേ​ഷ​ണ​ത്തി​ൽ ശ്ര​ദ്ധേ​യ​മാ​യ വ​ള​ർ​ച്ച രേ​ഖ​പ്പെ​ടു​ത്തി. ഇ​ന്ത്യ​ൻ സ​ഞ്ചാ​രി​ക​ൾ ഏ​ഷ്യ​ൻ രാ​ജ്യ​ങ്ങ​ളി​ലേ​ക്കു​ള്ള യാ​ത്ര​ക​ൾ​ക്ക് കൂ​ടു​ത​ൽ മു​ൻ​ഗ​ണ​ന ന​ൽ​കു​ന്ന​താ​യി എ​യ​ർ ബി​എ​ൻ​ബി പു​റ​ത്തു വി​ട്ട പു​തി​യ റി​പ്പോ​ർ​ട്ടി​ൽ വ്യ​ക്ത​മാ​ക്കു​ന്നു.

ജ​പ്പാ​ൻ, ദ​ക്ഷി​ണ കൊ​റി​യ, തെ​ക്കു​കി​ഴ​ക്ക​ൻ ഏ​ഷ്യ​യി​ലെ പ്ര​ധാ​ന ന​ഗ​ര​ങ്ങ​ളാ​യ ടോ​ക്കി​യോ, ഒ​സാ​ക, ബു​സാ​ൻ എ​ന്നി​വി​ട​ങ്ങ​ളി​ലേ​ക്കു​ള്ള യാ​ത്ര​യ്ക്ക് താ​ത്പ​ര്യ​ക്കാ​ർ ഏ​റെ​യാ​ണ്. കൊ​റി​യ​ൻ പോ​പ്പ് സം​സ്കാ​ര​വും ജാ​പ്പ​നീ​സ് പൈ​തൃ​ക​വും, വ്യ​ത്യ​സ്ത ഭ​ക്ഷ​ണ അ​നു​ഭ​വ​ങ്ങ​ളും, എ​ളു​പ്പ​മു​ള്ള യാ​ത്രാ​സൗ​ക​ര്യ​വു​മാ​ണ് ഈ ​പ്ര​വ​ണ​ത​യ്ക്ക് പി​ന്നി​ലെ പ്ര​ധാ​ന ഘ​ട​ക​ങ്ങ​ളാ​യി വി​ല​യി​രു​ത്ത​പ്പെ​ടു​ന്ന​ത്.

മൂന്നാർ: മൂന്നാറിൽ വീണ്ടും ഭീതിപരത്തി പടയപ്പ കൊന്പന്‍റെ വിളയാട്ടം. മൂന്നാർ -ഉദുമൽപേട്ട് അന്തർ സംസ്ഥാന പാതയിലായിരുന്നു വാഹനയാത്രക്കാരെ ഭീതിയിലാഴ്ത്തി കൊന്പൻ വാഹനങ്ങൾക്കു നേരേ ആക്രമണത്തിനും തുനിഞ്ഞു. കൊമ്പന്‍റെ മുന്നിൽ പെട്ട ഒരു കാറും അതിലെ യാത്രക്കാരും തലനാരിഴയ്ക്കാണ് രക്ഷപ്പെട്ടത്. പാഞ്ഞെത്തിയ കൊമ്പൻ കാർ കുത്തിമറിക്കാൻ ശ്രമിക്കുകയായിരുന്നു.

രണ്ടു മൂന്നുവട്ടം കാർ കുത്തിമറിക്കാനും തള്ളിനീക്കാനും പടയപ്പ ശ്രമിച്ചു. അതിനിടെ, മനഃസാന്നിധ്യം വിടാതെ ഡ്രൈവർ കാർ സ്റ്റാർട്ട്ചെയ്യുകയും മുന്നോട്ടു നീക്കുകയുമായിരുന്നു. ഞായറാഴ്ച രാത്രിയായിരുന്നു സംഭവം. അന്തര്‍ സംസ്ഥാന പാതയില്‍ തലയാര്‍ ഭാഗത്തു സഞ്ചരിക്കുകയായിരുന്ന പടയപ്പ അതു വഴി എത്തിയ എല്ലാ വാഹനങ്ങളെയും ആശങ്കയിലാഴ്ത്തി. ഈ വഴി സഞ്ചരിച്ച  കാര്‍ കൊമ്പന്‍റെ ആക്രമണത്തില്‍നിന്ന് അദ്ഭുതകരമായാണ് രക്ഷപ്പെട്ടത്.

കാറിന്‍റെ മുകള്‍ഭാഗത്തു തുമ്പിക്കൈകൊണ്ട് അമര്‍ത്തിയതോടെ കാറിന്‍റെ പിന്‍ഭാഗത്തെ ചില്ലുകള്‍ തകര്‍ന്നു. കാറിനെ ആക്രമിക്കുന്നതു കണ്ട മറ്റു വാഹനങ്ങളിലുള്ളവര്‍ ഉച്ചത്തില്‍ ഹോണടിച്ചു പിന്തിരിപ്പിക്കാന്‍ ശ്രമിച്ചെങ്കിലും മാറാതെനിന്ന പടയപ്പെയെ വെട്ടിച്ചു കാര്‍ മുന്നോട്ടെടുത്തു യാത്രക്കാര്‍ രക്ഷപ്പെടുകയായിരുന്നു. മറ്റൊരു പിക്കപ്പ് വാനിന്‍റെ സമീപത്ത് എത്തി ഉരസിയ പടയപ്പ മറ്റു വാഹനങ്ങളുടെ സമീപത്തേക്കു പാഞ്ഞടുത്തിരുന്നു.

മദപ്പാട് കണ്ടെത്തിയതിനെത്തുടര്‍ന്നു കഴിഞ്ഞ ഏതാനും ദിവസങ്ങളായി വനം വകുപ്പിന്‍റെ നിരിക്ഷണത്തിലായിരുന്ന പടയപ്പ ഒരിടവേളയ്ക്കു ശേഷമാണ് വീണ്ടും മൂന്നാറിലെ റോഡിലിറങ്ങി ഭീഷണി ഉയര്‍ത്തുന്നത്. മൂന്നു മാസങ്ങള്‍ക്കു മുമ്പാണ് പടയപ്പയ്ക്കു മദപ്പാട് ഉണ്ടെന്നു വനം വകുപ്പ് സ്ഥിരീകരിച്ചത്.

പിന്നീട് പടയപ്പയെ നിരീക്ഷിക്കാന്‍ റാപ്പിഡ് റെസ്‌പോണ്‍സ് ടീമിന്‍റെ രണ്ടു സംഘങ്ങളെയും ചുമതലപ്പെടുത്തിയിരുന്നു. എസ്റ്റേറ്റ് ജനവാസമേഖലകളില്‍ തുടര്‍ന്നു വരുന്നതിനിടയിലായിരുന്നു മദപ്പാട് കണ്ടെത്തിയത്. ഇതും ജനങ്ങളില്‍ ആശങ്ക ഉണര്‍ത്തിയിരുന്നു. വാഹനത്തെ ആക്രമിച്ചതോടെ പടയപ്പയെ നിയന്ത്രിക്കാന്‍ കൂടുതല്‍ ഫലപ്രദമായ നടപടി സ്വീകരിക്കണമെന്ന ആവശ്യം ഉയര്‍ന്നിരിക്കുകയാണ്.

കോ​ത​മം​ഗ​ലം: ഭൂ​ത​ത്താ​ൻ​കെ​ട്ട് ഡാ​മി​നു സ​മീ​പ​ത്തു നി​ന്ന് കൂ​റ്റ​ൻ രാ​ജ​വെ​മ്പാ​ല​യെ പി​ടി​കൂ​ടി. ഭൂ​ത​ത്താ​ൻ​കെ​ട്ട് വി​നോ​ദ​സ​ഞ്ചാ​ര കേ​ന്ദ്ര​ത്തി​ലെ വാ​ച്ച് ട​വ​റി​നു സ​മീ​പ​ത്തു​കൂ​ടി ന​ട​ന്നു വ​രി​ക​യാ​യി​രു​ന്ന വി​നോ​ദ​സ​ഞ്ചാ​രി​ക​ളു​ടെ മു​ന്നി​ലേ​ക്കാ​ണ് രാ​ജ​വെ​മ്പാ​ല ഇ​ഴ​ഞ്ഞെ​ത്തി​യ​ത്.

സ​ഞ്ചാ​രി​ക​ൾ അ​റി​യി​ച്ച​തി​നെ തു​ട​ർ​ന്ന് അ​ധി​കൃ​ത​ർ പാ​മ്പു​പി​ടു​ത്ത വി​ദ​ഗ്ധ​ൻ മാ​ർ​ട്ടി​ൻ മേ​യ്ക്ക​മാ​ലി​യെ വി​വ​ര​മ​റി​യി​ക്കു​ക​യാ​യി​രു​ന്നു. മാ​ർ​ട്ടി​ൻ എ​ത്തി പാ​മ്പി​നെ പി​ടി​കൂ​ടി വ​ന​പാ​ല​ക​ർ​ക്ക് കൈ​മാ​റി. തു​ട​ർ​ന്ന് ഉ​ൾ​വ​ന​ത്തി​ൽ തു​റ​ന്നു വി​ട്ടു.

തൊ​ടു​പു​ഴ: ക്രി​സ്മ​സ്, പു​തു​വ​ത്സ​രം പ്ര​മാ​ണി​ച്ച് ഇ​ടു​ക്കി ജി​ല്ല​യി​ലേ​ക്ക് സ​ന്ദ​ര്‍​ശ​ക​രു​ടെ ഒ​ഴു​ക്ക്. ക്രി​സ്മ​സ് അ​വ​ധി ദി​ന​ങ്ങ​ള്‍ ആ​ഘോ​ഷി​ക്കാ​ന്‍ ഒ​രാ​ഴ്ച​യ്ക്കി​ടെ ജി​ല്ല​യി​ലെ വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ലേ​ക്ക് 1,49,423 പേ​രാ​ണ് എ​ത്തി​യ​ത്.

ക്രി​സ്മ​സ് ദി​ന​ത്തി​ലും തു​ട​ര്‍​ന്നു​ള്ള ര​ണ്ടു ദി​വ​സ​ങ്ങ​ളി​ലും വ​ലി​യ തോ​തി​ലു​ള്ള തി​ര​ക്കാ​ണ് വി​നോ​ദ സ​ഞ്ചാ​ര കേ​ന്ദ്ര​ങ്ങ​ളി​ല്‍ അ​നു​ഭ​വ​പ്പെ​ട്ട​ത്. ക്രി​സ്മ​സ് ദി​ന​മാ​യ വ്യാ​ഴാ​ഴ്ച 30,150 സ​ഞ്ചാ​രി​ക​ളാ​ണ് ഡി​ടി​പി​സി​യു​ടെ ടൂ​റി​സം കേ​ന്ദ്ര​ങ്ങ​ളി​ല്‍ സ​ന്ദ​ര്‍​ശ​നം ന​ട​ത്തി​യ​ത്. വെ​ള്ളി​യാ​ഴ്ച 29,485 പേ​രും ശ​നി​യാ​ഴ്ച 32,007 പേ​രും സ​ന്ദ​ര്‍​ശ​നം ന​ട​ത്തി. ക്രി​സ്മ​സ് ത​ലേ​ന്ന് 15,419 പേ​രും ജി​ല്ല​യി​ലെ ടൂ​റി​സം കേ​ന്ദ്ര​ങ്ങ​ളി​ല്‍ അ​വ​ധി ആ​ഘോ​ഷി​ക്കാ​നെ​ത്തി​യി​രു​ന്നു.

വാ​ഗ​മ​ണ്‍ മൊ​ട്ട​ക്കു​ന്നി​ലും അ​ഡ്വ​ഞ്ച​ര്‍ പാ​ര്‍​ക്കി​ലു​മാ​ണ് കൂ​ടു​ത​ല്‍ പേ​ര്‍ എ​ത്തി​യ​ത്. ക്രി​സ്മ​സ് ദി​ന​ത്തി​ല്‍ മൊ​ട്ട​ക്കു​ന്നി​ല്‍ 7,693 പേ​രും അ​ഡ്വ​ഞ്ച​ര്‍ പാ​ര്‍​ക്കി​ല്‍ 6,470 പേ​രും സ​ന്ദ​ര്‍​ശ​നം ന​ട​ത്തി. പി​റ്റേ​ന്ന് മൊ​ട്ട​ക്കു​ന്നി​ല്‍ 8,644 പേ​രും അ​ഡ്വ​ഞ്ച​ര്‍ പാ​ര്‍​ക്കി​ല്‍ 6,965 പേ​രും സ​ന്ദ​ര്‍​ശ​നം ന​ട​ത്തി.

രാ​മ​ക്ക​ല്‍​മേ​ട്, പാ​ഞ്ചാ​ലി​മേ​ട്, മൂ​ന്നാ​ര്‍ ബൊ​ട്ടാ​ണി​ക്ക​ല്‍ ഗാ​ര്‍​ഡ​ന്‍ എ​ന്നി​വി​ട​ങ്ങ​ളി​ലും കൂ​ടു​ത​ല്‍ സ​ഞ്ചാ​രി​ക​ള്‍ എ​ത്തി. രാ​മ​ക്ക​ല്‍​മേ​ട്ടി​ല്‍ ക്രി​സ്മ​സ് ദി​ന​ത്തി​ല്‍ 3,815 പേ​രും പി​റ്റേ​ന്ന് 2,781 പേ​രും സ​ന്ദ​ര്‍​ശ​നം ന​ട​ത്തി.

പാ​ഞ്ചാ​ലി​മേ​ട്ടി​ല്‍ 2,552, 2,251 എ​ന്നി​ങ്ങ​നെ​യും മൂ​ന്നാ​ര്‍ ബൊ​ട്ടാ​ണി​ക്ക​ല്‍ ഗാ​ര്‍​ഡ​നി​ല്‍ 4,211, 3,874 എ​ന്ന ക്ര​മ​ത്തി​ലു​മാ​ണ് ര​ണ്ടു ദി​വ​സ​മെ​ത്തി​യ സ​ഞ്ചാ​രി​ക​ളു​ടെ എ​ണ്ണം. ഇ​തി​നു പു​റ​മെ മാ​ട്ടു​പ്പെ​ട്ടി, അ​രു​വി​ക്കു​ഴി, ശ്രീ​നാ​രാ​യ​ണ​പു​രം, ഹി​ല്‍​വ്യു പാ​ര്‍​ക്ക്, ആ​മ​പ്പാ​റ എ​ന്നി​വി​ട​ങ്ങ​ളി​ലും തി​ര​ക്ക​നു​ഭ​വ​പ്പെ​ട്ടു.

വ​നം​വ​കു​പ്പി​ന്‍റെ അ​ധീ​ന​ത​യി​ലു​ള്ള തേ​ക്ക​ടി ഉ​ള്‍​പ്പെ​ടെ​യു​ള്ള വി​നോ​ദ സ​ഞ്ചാ​ര കേ​ന്ദ്ര​ങ്ങ​ളി​ലും ആ​യി​ര​ക്ക​ണ​ക്കി​ന് സ​ഞ്ചാ​രി​ക​ള്‍ ക്രി​സ്മ​സ് ആ​ഘോ​ഷ​ത്തി​ന്‍റെ ഭാ​ഗ​മാ​യെ​ത്തി. ക്രി​സ്മ​സ് ആ​ഘോ​ഷ​ങ്ങ​ള്‍​ക്കാ​യി ടൂ​റി​സം കേ​ന്ദ്ര​ങ്ങ​ള്‍ വൈ​ദ്യു​ത​ദീ​പ​ങ്ങ​ളാ​ല്‍ വ​ര്‍​ണാ​ഭ​മാ​ക്കി​യി​രു​ന്നു. കാ​ലാ​വ​സ്ഥ​യും അ​നൂ​കു​ല​മാ​യി​രു​ന്ന​തി​നാ​ല്‍ കു​ടും​ബ​സ​മേ​ത​മാ​ണ് കൂ​ടു​ത​ല്‍ പേ​രും എ​ത്തി​യ​ത്.

ഇ​നി പു​തു​വ​ത്സ​ര​ത്തോ​ട​നു​ബ​ന്ധി​ച്ചും വാ​ഗ​മ​ണ്‍, മൂ​ന്നാ​ര്‍, കാ​ല്‍​വ​രി​മൗ​ണ്ട്, പ​രു​ന്തും​പാ​റ ഉ​ള്‍​പ്പെ​ടെ​യു​ള്ള കേ​ന്ദ്ര​ങ്ങ​ളി​ല്‍ വ​ന്‍ തി​ര​ക്ക​നു​ഭ​വ​പ്പെ​ടും. വാ​ഗ​മ​ണ്‍, മൂ​ന്നാ​ര്‍ എ​ന്നി​വി​ട​ങ്ങ​ളി​ലേ​ക്ക് ദി​വ​സേ​ന ആ​യി​ര​ക്ക​ണ​ക്കി​ന് സ​ന്ദ​ര്‍​ശ​ക​രും നൂ​റു​ക​ണ​ക്കി​ന് വാ​ഹ​ന​ങ്ങ​ളു​മാ​ണ് എ​ത്തു​ന്ന​ത്. അ​തി​നാ​ല്‍ ഗ​താ​ഗ​ത​ക്കു​രു​ക്കും അ​തി​രൂ​ക്ഷ​മാ​ണ്.

പു​തു​വ​ത്സ​രാ​ഘോ​ഷ​ത്തി​നാ​യി ഹോ​ട്ട​ലു​ക​ളി​ലും റി​സോ​ര്‍​ട്ടു​ക​ളി​ലും വ​ലി​യ ബു​ക്കിം​ഗും ല​ഭി​ച്ചി​ട്ടു​ണ്ട്. ചെ​റു​കി​ട ക​ച്ച​വ​ട​ക്കാ​ര്‍​ക്കും ചാ​ക​ര​ക്കാ​ല​മാ​ണ് ക്രി​സ്മ​സ്-​പു​തു​വ​ത്സ​ര ദി​ന​ങ്ങ​ള്‍. പു​തു​വ​ത്സ​രാ​ഘോ​ഷ​ങ്ങ​ള്‍ അ​തി​രു​വി​ടാ​തി​രി​ക്കാ​നു​ള്ള മു​ന്നൊ​രു​ക്ക​ങ്ങ​ളും അ​ധി​കൃ​ത​ര്‍ സ്വീ​ക​രി​ച്ചി​ട്ടു​ണ്ട്. ല​ഹ​രി പാ​ര്‍​ട്ടി​ക​ള്‍​ക്കെ​തി​രേ​യും അ​ധി​കൃ​ത​ര്‍ ജാ​ഗ്ര​ത പു​ല​ര്‍​ത്തു​ന്നു​ണ്ട്.

കു​​​മ​​​ര​​​കം: കു​​​മ​​​ര​​​കം ചീ​​​പ്പു​​​ങ്ക​​​ൽ തോ​​​ട്ടി​​​ൽ ബ​​​ന്ധി​​​ച്ചി​​​രു​​​ന്ന ഹൗ​​​സ് ബോ​​​ട്ട് മു​​​ങ്ങിത്താ​​​ണു. ഹൗ​​​സ് ബോ​​​ട്ടി​​​ലു​​​ണ്ടാ​​​യി​​​രു​​​ന്ന യു​​​പി സ്വ​​​ദേ​​​ശി​​​ക​​​ളാ​​​യ ദ​​​മ്പ​​​തി​​​ക​​​ളെയും എ​​​ട്ടു വ​​​യ​​​സാ​​​യ കു​​​ട്ടി​​​യെ​​​യും ഹൗ​​​സ് ബോ​​​ട്ടി​​​ലെ ജീ​​​വ​​​ന​​​ക്കാ​​​രും നാ​​​ട്ടു​​​കാ​​​രും ചേ​​​ർ​​​ന്ന് സ​​​മീ​​​പ​​​ത്തു​​​ണ്ടാ​​​യി​​​രു​​​ന്ന ശി​​​ക്കാ​​​ര വ​​​ള്ള​​​ത്തി​​​ൽ ക​​​യ​​​റ്റി ര​​​ക്ഷി​​​ച്ചു.

ഇ​​​ന്ന​​​ലെ പു​​​ല​​​ർ​​​ച്ചെ മൂ​​​ന്നി​​​നാ​​​യി​​​രു​​​ന്നു സം​​​ഭ​​​വം. ഹൗ​​​സ് ബോ​​​ട്ടി​​​ന്‍റെ അ​​​ടി​​​ത്ത​​​ട്ടി​​​ലെ ഡു​​​മി​​​ന്‍റെ ത​​​ക​​​രാ​​​റാ​​​ണ് വെ​​​ള്ളം ക​​​യ​​​റാ​​​ൻ കാ​​​ര​​​ണ​​​മെ​​​ന്നാ​​​ണ് പ്രാ​​​ഥ​​​മി​​​ക നി​​​ഗ​​​മ​​​നം.

യാ​​​ത്ര​​​ക്കാ​​​രു​​​ടെ ലാ​​​പ്ടോ​​​പ്പും ര​​​ണ്ട് മൊ​​​ബൈ​​​ൽ ഫോ​​​ണു​​​ക​​​ളും പ​​​ണ​​​വും ന​​​ഷ്ട​​​പ്പെ​​​ട്ടു. വി​​​ദ​​​ഗ്ധ സം​​​ഘമെ​​​ത്തി മു​​​ങ്ങി​​​ക്കി​​​ട​​​ന്ന ഹൗ​​​സ് ബോ​​​ട്ടു​​​യ​​​ർ​​​ത്തി. ഡ​​​ബി​​​ൾ റൂം ഉ​​​ള്ള ഹൗ​​​സ് ബോ​​​ട്ടി​​​നു ത​​​ക​​​രാ​​​റു​​​ക​​​ൾ സം​​​ഭ​​​വി​​​ച്ചി​​​ട്ടു​​​ണ്ട്.

മൂന്നാർ: ഇടുക്കി മൂന്നാറിനു സമീപം സ്കൈ ഡൈനിംഗിൽ വിനോദ സഞ്ചാരികൾ കുടുങ്ങി. ഇടുക്കി ആനച്ചാലിലെ സ്വകാര്യ സ്കൈ ഡൈനിംഗിലാണ് രണ്ട് മണിക്കൂറോളമായി വിനോദ സഞ്ചാരികൾ കുടുങ്ങി കിടക്കുന്നത്.

സ്കൈ ഡൈനിംഗ് ഉയർത്തിയിരിക്കുന്ന ക്രെയിനിന്‍റെ സാങ്കേതിക തകരാറാണ് ഇതിനു കാരണമെന്ന് അധികൃതർ പറയുന്നത്. ഇവരെ താഴെ ഇറക്കാനുള്ള നടപടികൾ തുടങ്ങി. വടം ഉപയോഗിച്ച് പുറത്തെത്തിക്കാനുള്ള നീക്കമാണ് നടക്കുന്നത്.

അതേസമയം അടിമാലിയിൽ നിന്നും മൂന്നാറിൽ നിന്നും ഫയർഫോഴ്സ് സംഘം രക്ഷാദൗത്യത്തിനായി പുറപ്പെട്ടിട്ടുണ്ട്. സഞ്ചാരികളും ജീവനക്കാരുമുൾപ്പെടെ എട്ടുപേരാണ് സ്കൈ ഡൈനിംഗിലുള്ളതെന്നാണ് ഔദ്യോ​ഗിക വിശദീകരണം.

ആകാശത്തിരുന്ന് ഭക്ഷണം കഴിക്കുന്നതിനായി അഡ്വൈഞ്ചർ ടൂറിസത്തിന്‍റെ ഭാഗമായാണ് സ്കൈ ഡൈനിംഗ് ഒരുക്കിയിരിക്കുന്നത്. 120 അടി ഉയരത്തിലാണ് സ്കൈ ഡൈനിംഗ് ക്രമീകരിച്ചിരിക്കുന്നത്. അരമണിക്കൂറിലേറെ സമയമാണ് അവിടെ ചിലവിടുക.

ഒരേസമയം 15 പേർക്ക് ഇരിക്കാനുള്ള സൗകര്യമാണ് ഇതിലുള്ളത്. ആകാശക്കാഴ്ച ആസ്വദിക്കാനുള്ള സൗകര്യത്തോടെയാണ് പദ്ധതി. ഇത് ക്രെയിൻ ഉപയോ​ഗിച്ച് ഉയർത്തുന്നതാണ് രീതി.

അ​ടു​ത്ത വ​ർ​ഷം നി​ർ​ബ​ന്ധ​മാ​യും ക​ണ്ടി​രി​ക്കേ​ണ്ട ലോ​ക​ത്തെ 10 ന​ഗ​ര​ങ്ങ​ളി​ൽ ന​മ്മു​ടെ കൊ​ച്ചി​യെ​യും തെ​ര​ഞ്ഞെ​ടു​ത്തി​രി​ക്കു​ന്നു. ആം​സ്റ്റ​ർ​ഡാം ആ​സ്ഥാ​ന​മാ​യി പ്ര​വ​ർ​ത്തി​ക്കു​ന്ന ഓ​ൺ​ലൈ​ൻ ട്രാ​വ​ൽ ഏ​ജ​ൻ​സി​യാ​യ ബു​ക്കിം​ഗ് ഡോ​ട്ട് കോം ​ത​യാ​റാ​ക്കി​യ 10 വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളു​ടെ പ​ട്ടി​ക​യി​ലാ​ണ് ഈ ​അം​ഗീ​കാ​രം; ഇ​ന്ത്യ​യി​ൽ കൊ​ച്ചി മാ​ത്രം! ഡി​സം​ബ​ർ 12ന് ​കൊ​ച്ചി ബി​നാ​ലെ​യു​ടെ ആ​റാം പ​തി​പ്പ് തു​ട​ങ്ങാ​നി​രി​ക്കേ​യാ​ണ് ഈ ​പു​ര​സ്കാ​രം.

പ​ക്ഷേ, ചി​ല​തു ചെ​യ്യാ​നു​ണ്ട്. വാ​ർ​ത്ത ക​ണ്ട് ഇ​വി​ടെ​യെ​ത്തു​ന്ന​വ​ർ​ക്കു, ടാ​ക്സി​ക്കാ​രി​ൽ​നി​ന്നു​ള്ള തി​ക്താ​നു​ഭ​വ​ത്തെ​ത്തു​ട​ർ​ന്ന് മൂ​ന്നാ​ർ കാ​ണാ​തെ മ​ട​ങ്ങി​യ മും​ബൈ​യി​ലെ യാ​ത്ര​ക്കാ​രി​യു​ടേ​തു​പോ​ലെ​യു​ള്ള അ​നു​ഭ​വ​മു​ണ്ടാ​ക​രു​ത്.

വി​രു​ന്നു​കാ​രെ​ത്തു​ന്പോ​ൾ വൃ​ത്തി​യും വെ​ടി​പ്പും ന​ല്ല പെ​രു​മാ​റ്റ​വും തെ​രു​വു​നാ​യ മു​ക്ത​മാ​യ നാ​ടും ഉ​റ​പ്പാ​ക്കി സ്വീ​ക​രി​ക്കാ​നാ​ക​ണം. കൊ​ച്ചി കാ​ണാ​നെ​ത്തു​ന്ന​വ​ർ കേ​ര​ള​ത്തി​ലെ മ​റ്റു നി​ര​വ​ധി വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളും സ​ന്ദ​ർ​ശി​ക്കാ​ൻ തീ​രു​മാ​നി​ക്കും. വി​നോ​ദ​സ​ഞ്ചാ​ര​മേ​ഖ​ല​യെ വ​ള​ർ​ത്താ​നു​ള്ള അ​വ​സ​ര​മാ​ണി​ത്. പൊ​ള്ള​യാ​യ വീ​ര​വാ​ദ​ങ്ങ​ള​ല്ല, സ​മ​യ​ബ​ന്ധി​ത​മാ​യ ഒ​രു​ക്ക​മാ​ണ് ആ​വ​ശ്യം.

നൂ​റ്റാ​ണ്ടു​ക​ളി​ലെ ആ​ഗോ​ള വ്യാ​പാ​ര​ത്തി​ന്‍റെ​യും സാം​സ്കാ​രി​ക വി​നി​മ​യ​ത്തി​ന്‍റെ​യും പ്ര​തി​ഫ​ല​ന​മാ​ണ് കൊ​ച്ചി​യെ​ന്നും വി​വി​ധ രാ​ജ്യ​ങ്ങ​ളി​ലെ വാ​സ്തു​ശി​ല്‍​പ ചാ​രു​ത​യും ആ​ധു​നി​ക ആ​ര്‍​ട്ട് ക​ഫെ​ക​ളും ഒ​ത്തു​ചേ​രു​ന്ന ന​ഗ​ര​മാ​ണി​തെ​ന്നും ബു​ക്കിം​ഗ് ഡോ​ട്ട് കോം ​വി​ല​യി​രു​ത്തി. ചൈ​നീ​സ് വ​ല​ക​ള്‍, പൈ​തൃ​കം നി​റ​ഞ്ഞ ക​ച്ച​വ​ട​കേ​ന്ദ്ര​ങ്ങ​ള്‍ എ​ന്നി​വ അ​ന്ത​ർ​ദേ​ശീ​യ സ​ഞ്ചാ​രി​ക​ള്‍​ക്ക് വേ​റി​ട്ട അ​നു​ഭ​വ​ങ്ങ​ളാ​ണ്. ച​രി​ത്ര​പ​ര​മാ​യ കെ​ട്ടി​ട​ങ്ങ​ൾ അ​ത്യാ​ധു​നി​ക ക​ലാ​കേ​ന്ദ്ര​ങ്ങ​ളാ​യി മാ​റു​ന്ന കൊ​ച്ചി-​മു​സി​രി​സ് ബി​നാ​ലെ പോ​ലു​ള്ള ലോ​കോ​ത്ത​ര പ​രി​പാ​ടി​ക​ൾ കൊ​ച്ചി​യു​ടെ പ്ര​ധാ​ന ആ​ക​ര്‍​ഷ​ണ​ങ്ങ​ളാ​ണ്. ഇ​വി​ട​ത്തെ പാ​ച​ക​പാ​ര​മ്പ​ര്യം സാം​സ്കാ​രി​ക വൈ​വി​ദ്ധ്യ​ത്തി​ന്‍റെ ഉ​ദാ​ഹ​ര​ണ​മാ​ണെ​ന്നും ബു​ക്കിം​ഗ് ഡോ​ട്ട് കോം ​ചൂ​ണ്ടി​ക്കാ​ട്ടി.

ലോ​ക ടൂ​റി​സം ഭൂ​പ​ട​ത്തി​ൽ കേ​ര​ള ടൂ​റി​സ​ത്തെ അ​ട​യാ​ള​പ്പെ​ടു​ത്തു​ന്ന നേ​ട്ട​മാ​ണി​തെ​ന്നും ടൂ​റി​സം വ​ള​ർ​ച്ച​യ്ക്ക് ഈ ​നേ​ട്ടം ഏ​റെ ഗു​ണ​ക​ര​മാ​കു​മെ​ന്നു​മാ​ണ് ടൂ​റി​സം മ​ന്ത്രി പി.​എ. മു​ഹ​മ്മ​ദ്‌ റി​യാ​സ് പ്ര​തി​ക​രി​ച്ച​ത്. പ​റ​ഞ്ഞാ​ൽ പോ​രാ, ഗു​ണ​ക​ര​മാ​ക​ണ​മെ​ങ്കി​ൽ ഗൃ​ഹ​പാ​ഠം ചെ​യ്യ​ണം. കോ​ർ​പ​റേ​ഷ​നെ പ​റ​ഞ്ഞേ​ൽ​പ്പി​ച്ച് മാ​റി​നി​ന്നാ​ൽ സ​ഞ്ചാ​രി​ക​ൾ​ക്കും മാ​റി​നി​ൽ​ക്കേ​ണ്ടി​വ​രും. മി​ക​ച്ച വി​നോ​ദ​സ​ഞ്ചാ​ര കേ​ന്ദ്ര​മാ​യി കൊ​ച്ചി​യെ തെ​ര​ഞ്ഞെ​ടു​ക്കാ​ൻ കാ​ര​ണ​മാ​യ​തൊ​ക്കെ ഈ ​ഭൂ​പ്ര​ദേ​ശ​ത്തി​ന്‍റെ ഭാ​ഗ​വും അ​തി​നോ​ടു ച​രി​ത്രം ചേ​ർ​ത്തു​വ​ച്ച അ​മൂ​ല്യ പൈ​തൃ​ക​ങ്ങ​ളു​മാ​ണ്. അ​തി​ൽ ന​മ്മു​ടെ സം​ഭാ​വ​ന എ​ന്താ​ണെ​ന്നു​കൂ​ടി ആ​ത്മ​പ​രി​ശോ​ധ​ന ന​ട​ത്തു​ക​യും തി​രു​ത്ത​ലു​ക​ൾ വ​രു​ത്തു​ക​യും ചെ​യ്താ​ലേ കൊ​ച്ചി​യു​ടെ പ്ര​താ​പം തെ​ളി​ഞ്ഞു​കാ​ണാ​നാ​കൂ.

കേ​ര​ള​ത്തി​ലെ വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളെ അ​വ​മ​തി​പ്പി​നു വി​ട്ടു​കൊ​ടു​ത്ത​തെ​ല്ലാം കൊ​ച്ചി​യി​ലു​മു​ണ്ട്. വി​യ​റ്റ്നാം മു​ത​ൽ അ​മേ​രി​ക്ക​വ​രെ​യു​ള്ള, ബു​ക്കിം​ഗ് ഡോ​ട്ട് കോ​മി​ന്‍റെ പ​ട്ടി​ക​യി​ലെ മ​റ്റൊ​രി​ട​ത്തും ഇ​ല്ലാ​ത്ത​ത്. തു​റ​ന്നു​കി​ട​ക്കു​ന്ന അ​ഴു​ക്കു​ചാ​ലു​ക​ൾ, ഓ​ട​ക​ൾ, നാ​ടു​തെ​ണ്ടു​ന്ന തെ​രു​വു​നാ​യ​ക​ൾ, കൊ​തു​കു​ശ​ല്യം, ക​ര​യി​ലും ക​ട​ലി​ലു​മെ​ല്ലാം വ​ലി​ച്ചെ​റി​ഞ്ഞി​രി​ക്കു​ന്ന പ്ലാ​സ്റ്റി​ക് ഉ​ൾ​പ്പെ​ടെ​യു​ള്ള മാ​ലി​ന്യ​ങ്ങ​ൾ... ഇ​തൊ​ക്കെ​യാ​ണ് അ​റ​ബി​ക്ക​ട​ലി​ന്‍റെ റാ​ണി​യു​ടെ മു​ഖ​ത്ത് നാം ​വാ​രി​ത്തേ​ച്ചി​രി​ക്കു​ന്ന​ത്. ഇ​നി കൊ​ച്ചി​യി​ലെ യാ​ത്ര​ക്കാ​രു​ടെ എ​ണ്ണം വ​ർ​ധി​ക്കും.

സ​ർ​ക്കാ​ർ പൊ​ങ്ങ​ച്ചം പ​റ​ഞ്ഞു കൈ​യും കെ​ട്ടി​യി​രി​ക്ക​രു​ത്. ശു​ചി​ത്വ​ത്തി​ന് ഒ​ന്നാം സ്ഥാ​നം കൊ​ടു​ക്ക​ണം. ക​ച്ച​വ​ട​ക്കാ​ർ​ക്കും ഓ​ട്ടോ-​ടാ​ക്സി ഡ്രൈ​വ​ർ​മാ​ർ​ക്കും പോ​ലീ​സി​നും സ​ർ​ക്കാ​ർ ഉ​ദ്യോ​ഗ​സ്ഥ​ർ​ക്കും വി​ദേ​ശി​ക​ളോ​ടു മാ​ത്ര​മ​ല്ല നാ​ട്ടു​കാ​രോ​ടും മാ​ന്യ​മാ​യി പെ​രു​മാ​റാ​ൻ പ​രി​ശീ​ല​നം കൊ​ടു​ക്ക​ണം. കെ​എ​സ്ആ​ർ​ടി​സി ബ​സു​ക​ളും ബോ​ട്ടു​ക​ളു​മൊ​ക്കെ ക​ഴു​ക​ണം, സൈ​റ്റ് സീ​യിം​ഗി​ന് കൂ​ടു​ത​ൽ സൗ​ക​ര്യ​ങ്ങ​ളു​ണ്ടാ​ക്ക​ണം... പ​ല​തു​മു​ണ്ട് ചെ​യ്യാ​ൻ.

തൃ​പ്പൂ​ണി​ത്തു​റ​യി​ലെ ഹി​ൽ പാ​ല​സ്, മ​ട്ടാ​ഞ്ചേ​രി​യി​ലെ ഡ​ച്ച് കൊ​ട്ടാ​രം, മ​റൈ​ൻ ഡ്രൈ​വ്, ഫോ​ർ​ട്ട് കൊ​ച്ചി, പോ​ർ​ച്ചു​ഗീ​സ്, ഡ​ച്ച്, ബ്രി​ട്ടീ​ഷ് കെ​ട്ടി​ട​ങ്ങ​ൾ, പോ​ർ​ച്ചു​ഗീ​സ് ക​ച്ച​വ​ട​ക്കാ​ർ പ​ണി​ത സെ​ന്‍റ് ഫ്രാ​ൻ​സി​സ് പ​ള്ളി, വി​ദേ​ശി​ക​ളെ അ​ട​ക്കം ചെ​യ്തി​രി​ക്കു​ന്ന സെ​മി​ത്തേ​രി, ചെ​റാ​യി-​വീ​ര​ൻ​പു​ഴ ബീ​ച്ചു​ക​ൾ, കാ​യ​ലു​ക​ൾ, മ്യൂ​സി​യ​ങ്ങ​ൾ, ദ്വീ​പു​ക​ൾ, ചീ​ന​വ​ല മ​ത്സ്യ​ബ​ന്ധ​നം... പ​റ​ഞ്ഞാ​ൽ തീ​രി​ല്ല കൊ​ച്ചി​യു​ടെ കാ​ഴ്ച​ക​ൾ. മു​സി​രി​സ് ബി​നാ​ലെ ഇ​ല്ലാ​ത്ത​പ്പോ​ഴും കൊ​ച്ചി സ​ഞ്ചാ​രി​ക​ൾ​ക്കു നി​ത്യ​ബി​നാ​ലെ​യാ​ണ്.

ന​ഗ​ര​ത്തി​ലും പു​രാ​ത​ന നി​ർ​മി​തി​ക​ളി​ലും അ​റ​ബി​ക്ക​ട​ലി​ലും അ​തി​ലൊ​ഴു​കു​ന്ന ക​പ്പ​ലു​ക​ളി​ലും പൗ​രാ​ണി​ക ക​ട​ക​ളി​ലെ രു​ചി​വൈ​വി​ധ്യ​ങ്ങ​ളി​ലു​മൊ​ക്കെ​യാ​യി പ്ര​കൃ​തി​യൊ​രു​ക്കി​യൊ​രു ബി​നാ​ലെ. അ​താ​യ​ത്, കൊ​ച്ചി​യി​ൽ പ്ര​കൃ​തി​യും ച​രി​ത്ര​വും അ​തി​ന്‍റെ ജോ​ലി ചെ​യ്തി​ട്ടു​ണ്ട്. അ​വി​ടെ നാം ​ചെ​യ്തു​കൂ​ട്ടി​യ തെ​റ്റു​ക​ൾ തി​രു​ത്തി​യാ​ൽ മ​തി. അ​വി​ചാ​രി​ത​മാ​യി അ​തി​നൊ​രു അ​വ​സ​രം കൈ​വ​ന്നി​രി​ക്കു​ന്നു. ഇ​പ്പോ​ൾ ചെ​യ്യു​ന്നി​ല്ലെ​ങ്കി​ൽ ഇ​നി​യൊ​രി​ക്ക​ലു​മി​ല്ല.

ഇ​ടു​ക്കി: മ​റ​യൂ​രി​ൽ ത​മി​ഴ്നാ​ട്ടി​ൽ നി​ന്നെ​ത്തി​യ വി​നോ​ദ​സ​ഞ്ചാ​രി​ക​ളും ജീ​പ്പ് ഡ്രൈ​വ​ർ​മാ​രും ത​മ്മി​ൽ സം​ഘ​ർ​ഷം. പ​തി​ന​ഞ്ച് സ​ഞ്ചാ​രി​ക​ൾ​ക്കും ആ​റ് ജീ​പ്പ് തൊ​ഴി​ലാ​ളി​ക​ൾ​ക്കും പ​രി​ക്കേ​റ്റു. മ​റ​യൂ​രി​ന് സ​മീ​പം പ​യ​സ് ന​ഗ​റി​ൽ വ​ച്ചാ​ണ് സം​ഭ​വം.

ത​മി​ഴ്നാ​ട് തി​രു​നെ​ൽ​വേ​ലി​യി​ൽ നി​ന്നു​മെ​ത്തി​യ സ​ഞ്ചാ​രി​ക​ളു​ടെ ടൂ​റി​സ്റ്റ് ബ​സ്സി​ന് പി​ന്നാ​ലെ എ​ത്തി​യ ജീ​പ്പ് തു​ട​ർ​ച്ച​യാ​യി ഹോ​ൺ മു​ഴ​ക്കി. ഇ​ത് ചോ​ദ്യം ചെ​യ്ത​താ​ണ് ത​ർ​ക്ക​ത്തി​നും സം​ഘ​ർ​ഷ​ത്തി​നും കാ​ര​ണ​മാ​യ​ത്.

ജീ​പ്പ് തൊ​ഴി​ലാ​ളി​ക​ൾ സം​ഘ​ടി​ച്ചെ​ത്തി ടൂ​റി​സ്റ്റ് ബ​സ് ത​ട​ഞ്ഞു നി​ർ​ത്തു​ക​യും സ​ഞ്ചാ​രി​ക​ളെ ആ​ക്ര​മി​ക്കു​ക​യും ചെ​യ്തു എ​ന്നാ​ണ് പ​രാ​തി. ടൂ​റി​സ്റ്റ് ബ​സി​ന്‍റെ ചി​ല്ലു​ക​ളും ജീ​പ്പ് തൊ​ഴി​ലാ​ളി​ക​ൾ അ​ടി​ച്ചു ത​ക​ർ​ത്തു.
‌
വി​നോ​ദ​സ​ഞ്ചാ​രി​ക​ളു​ടെ ആ​ക്ര​മ​ണ​ത്തി​ൽ പ​രി​ക്കേ​റ്റ ആ​റ് ജീ​പ്പ് തൊ​ഴി​ലാ​ളി​ക​ളും ചി​കി​ത്സ​യി​ലാ​ണ്. മ​റ​യൂ​ർ പൊ​ലീ​സ് കേ​സെ​ടു​ത്ത് അ​ന്വേ​ഷ​ണം ആ​രം​ഭി​ച്ചു.